Novela de aventuras de carácter fantástico na que se poñen en contacto dous mundos completamente distintos e distanciados no tempo: o País dos Romances e o País dos Coches con Tubos de Escape Verdes.
Para o seu aniversario, a princesa Bratarina pide un violín dos Rollin-Troques e tódolos habitantes do reino saen a percorrer mundo na procura dalgún obxecto que poida satisface-lo desexo da princesa.
Pasado o tempo, e despois dunha busca infructuosa, Vilardemín, un dos súbditos do País dos Romances, regresa para contemplar como unha serie de obxectos procedentes do mundo moderno devolveron a normalidade ó reino. Os reis e a princesa, que pasaron todo ese tempo convertidos en esquíos no xardín, tamén recuperan a súa condición normal e a vida continúa para tódolos habitantes do país.