Un grupo de rapaces de 8º de E.X.B. do colexio de Foz contan a aventura da que están máis orgullosos. Cando foron á biblioteca para facer un traballo sobre o Quixote que querían presentar a un concurso, atopáronse con que era un espacio frío e desolado onde os libros, cheos de po, estaban mortos porque ninguén os ía ler. Decidiron entón facer eles un libro vivo. Foron xuntando poemas e historias que deron conseguido animando aos compañeiros do colexio. Con eles, editaron o "Picaraxadas", que todos querían ler e logo imprimiron. Pero prohibíronlle que fose para a biblioteca.Tiña que andar sempre pola rúa.
A edición incorpora tamén un texto en castelán, "La biblioteca animada", da autoría doutro grupo de alumnos do colexio.