Pedro vive co seu avó e, malia a advertencia deste pois seica hai un perigoso lobo no bosque, un día traspasa a cancela e adéntrase nel. Atopa un paxariño, unha parrula, unha gata... e o temible lobo gris, que engole a parrula. Coa axuda do paxariño, o agudo e valente rapaz dáse arte para capturar a fera, a quen logo dan morte uns cazadores.
Adaptación ao galego do "conto musical" de Sergei Prokofiev nunha edición excepcional en álbum, con extraordinarias ilustracións e un disco compacto co acompañamento sonoro da Xove Orquestra de Galicia.