O autor preséntano-la particular historia dunha nena chamada Paula, que é moi despistada, tan despistada que un día chega a perde-las palabras do seu libro. Este feito desencadea o presente relato. A nai de Paula rífalle por non ter máis coidado coas cousas, e a nena lánzase á procura das palabras polos lugares máis dispares: a casa da veciña Avelina, o parque, a praia... Por outra banda, a nena vai visitando unha serie de personaxes que teñen en común o feito de pertenceren á obra gráfica do artista Luís Seoane.
Á fin, cando Paula consegue reunir tódalas palabras do seu libro, decátase de que a historia xa non é a mesma, senón que se trata dunha nova da que ela é protagonista.