As evocacións da natureza e do mundo rural son constantes neste conxunto de 36 composicións poéticas. O mar, as bolboretas, a lúa, os ríos e outros elementos da paisaxe aparecen tratados de xeito idílico, como cumio de tódalas perfeccións.
Isto conecta coas propias apetencias da autora, que confesa o seu amor polo medio ambiente e o seu vencellamento á poesía desde os once anos.