Esta é unha noite especial para Raquel: aos seus sete anos, ten que quedar soa na casa porque seus pais van ao teatro, xa que a súa mai vai debutar como actriz afeccionada. Mais desta vez a tía Sara non poderá acompañala, como fai sempre que a precisa. Logo de caear lambetadas, Raquel non sabe en qué enredar, ata que bate cun fermoso caderno de debuxo que lle trouxera a tía dunha das súas viaxes, un "fantastic book" chinés. E comeza a debuxar nel: un caracol e unha bolboreta... que cobran vida fóra do caderno ata que se esvaecen cando o pecha. O mesmo ocorre coa galiña Tragatodo, os peixes dun acuario... Aínda que ao debuxar a Simba, o Rei León do cine case se bota a ela... Sen embargo o can de Tintín, Milú, pásao moi ben xogando con ela.
E chegan os pais de volta. A sala está algo desordenada, mais Raquel está ben, polo que é evidente que xa está preparada para quedar soa outro día. Ademais, para ela non é ningún problema: ¡restan aínda tantas follas no caderno fantástico!