Susi, a protagonista do relato, está triste. Os seus pais, aínda que a queren moito, non teñen tempo para falarlle e facerlle caso. Ela desexa alguén con quen falar e para iso non serven nin a súa moneca nin o seu osiño de trapo. En resposta ás súas bágoas, aparece unha nena pequena vestida con raios de sol. É Aurica, quen levará a Susi a unha aventura pola fraga na que vai coñecer ó trasno das follas secas e a moitos pequenos animais. Tamén escoitará moitas historias da fraga e dos seus habitantes e, sobre todo, vivirá a ledicia de ter unha amiga. Aínda que poida que todo fóra un soño de Susi...