David, un rapaz de oito anos, convértese en narrador para contarnos como transcorre a súa vida mentres trata de resolver un misterio: ¿que pasa cos fillos da gata Lúa? ¿Por que lle desaparecen sempre ó acabar de nacer?
Nesta empresa é axudado por Branca, a súa noiva, coa que comparte a mascota. Branca é quen lle pon ese nome tan sonoro (porque a lúa sae de noite e ós gatos gústalles pasear cando hai lúa) e quen coidará tamén da gata. Ambos convértense en detectives que tenden trampas, vixían, investigan... e non descansarán ata dar coa clave.
Acabarase sabendo qué pasou cos gatiños e, o que é mellor, ¡serán capaces de salvar a última niñada!