Retomando os personaxes de "O misterio dos fillos de Lúa", a autora ofrécenos un novo misterio. Nesta ocasión, David cóntanos, en primeira persoa, os pasos que seguiron el e os seus amigos para atopar unha explicación aos misteriosos sons que se escoitan no cemiterio vello da vila. Acompañado da súa amiga Branca, o neno vai xuntando as pistas que o levan a resolver o caso.
Á vez, David repara na súa relación co seu irmá maior, Xocas, na forma de vida da súa familia, na convivencia coa súa bisavoa, no estraño comportamento dun dos veciños da vila, o señor Indalecio, ou nos problemas dalgúns dos seus compañeiros da escola e lembra episodios da súa vida, como a morte da gata Lúa ou o día da súa primeira comuñón.