Conxunto de sesenta historias mínimas protagonizadas por animais diversos. Algúns teñen que solucionar problemas, como o león que queda calvo ou o camaleón que non sabe cambiar de cor; outros, como o crocodilo que non quere ser cinto nin bolso, cavilan no futuro; pero todos se presentan sen transcendente dramatismo: o ourizo xoga consigo mesmo á pelota, á ovella negra sáenlle canas de vella e non parece negra, o lobo para quedar durmido conta as ovellas que comeu, o cuco de reloxo xubilado xa só canta no bosque unha vez no ano, na primavera...
O núcleo temático é anecdótico e utiliza os xogos de palabras ou o equívoco. E as ilustracións, tamén minimalistas, comparten o divertido xogo textual.