Explícase o proceso polo que un cativo se pode liberar dos mecos e dos celos que aparecen coa chegada dun irmán máis novo, a través dunha historia estructurada en seis capítulos e relatada dende a perspectiva dun narrador omnisciente.
A protagonista é Olalla e eses seres invisibles, pero moi inquedos, que son os mecos que penetran no seu corpo cando nace a súa irmá Andrea. Os mecos provocan que a nena sinta celos, faga trasnadas e culpe de todo á irmá máis nova. Segundo se vai desenvolvendo a obra, o autor dános a coñecer unha extensa gama de mecos personificados na forma de voces interiores: os Pelexóns, os Chivatos, os Peloteiros, o Carota, o Metebullas ou o Sabichón, entre outros, ademais de explicar tamén as estratexias que se poden seguir para eliminalos.