Este libro está formado por cinco historias protagonizadas por nenos e animais.
Nunha delas, "A viaxe pola tubería", preséntase o ratiño Pérez, personaxe da tradición popular e amigo dos nenos e nenas cando lles caen os dentes. Catuxa, a protagonista deste conto, tamén recibe a máxica visita do ratiño Pérez.
A fantasía e a realidade xúntanse nestes contos. A personificación dos animais e de distintos obxectos, dá lugar a unhas historias sinxelas e axeitadas para o público infantil que comeza a introducirse no mundo da lectura.