Xavier Frías Conde: A luva máxica
Ilustracións de Maite Ochoa
Col. Merlín, 47. Edicións Xerais. Vigo, 1994

Esta obra acolle tres relatos fantásticos nos que os personaxes máis novos gozan dun protagonismo especial . Nas tres narracións está moi presente a defensa da natureza e do medio ambiente.
O primeiro relato, titulado A luva máxica dos sete dedos conta a historia de dous nenos, Daniel e Diana, que, montados nun "Burricornio", salvan o planeta de Prasinacora (país verde) dos desastres ecolóxicos que sufriu nos últimos tempos.
No titulado A odisea de Feen Bra relátase o rescate dun náufrago que levaba centos de anos nunha illa deserta e a posterior represión á que se ve sometido no "mundo civilizado".
A narración que pecha a obra, O nenochicle, ten como protagonista un rapaz que, da noite para a mañá, se converte en elástico e pegañento coma os chicles.