Neste relato utilízase o diario e as cartas da formiga Cafeína para conta-las súas aventuras de verán. Cafeína é unha formiga independente que comparte residencia cunha familia en vez de vivir coas súas compañeiras de formigueiro. Así, cando a familia marcha de vacacións Cafeína decide meterse no bolso da señora para non perderse a viaxe.
Todo se complica cando Cafeína sae do bolso e se perde. Consegue chegar a Barcelona, onde coñece ó escaravello Pepón. Alí visita o Zoolóxico, a Sagrada Familia, o Tibidabo e Montjuic. As peripecias da formiga artéllanse mediante as cartas que ela mesma dirixe, diariamente, a súa irmá xemelga Sacarina.
Ó final Cafeína e Pepón volven a Galicia e casan. Como é habitual nesta colección, tralo texto inclúese un "Obradoiro de lectura", realizado por Xavier Frías, con preguntas e actividades sobre o texto.