Ao longo dos dezaoito capítulos desta obra cóntasenos o encontro e confraternización entre dúas culturas diferentes e distantes: a occidental e a andina.
Liño, un rapaza galego, perde a súa familia nun tráxico accidente por terras do Altiplano boliviano e a partir de aí xurdirá unha nova existencia. Unha familia de indios quechua vaino recoller e protexer ata que chega a tía Leonor para levalo de volta á súa terra. Entre os indios, Liño aprenderá a comprender, amar e respectar as culturas diferentes da súa.
O final aberto obriga ao lector a botar man da imaxinación para concluír a historia, xa que remata coa dúbida de Liño de quedar cos indios ou volver para Galicia coa súa verdadeira familia.