Certo día, o León, como Rei do Bosque, ordenou mediante bando que todos cantos quixesen cantar no seu reino terían que pedirlle antes licencia e pasar a censura previa. Segundo parece fora instigado polo Corvo e motivado polas letras de protesta do Pimpín. Logo de que a Rula e a Bubela lle presentasen as queixas ao rei por un traxe e mais un sombreiro que lle fixeran ao Pimpín e este non pagara, o León decidiuse a engulir o pequeno paxaro, que seguía provocando libremente coas súas letras satíricas.
Pero o Pimpín valeuse do seu pico para provocar que o Rei do Bosque tivese que botalo fóra da súa barriga. Deste xeito, puido seguir voando en liberdade.
Este texto mereceu o Primeiro premio na sección "Contos de nenos" do II Concurso de Contos Infantís "O Facho", en 1969.