O capitán Miñoca é un pirata fero e soñador que vaga só coa súa soidade no pequeno navío Esperanza á busca da terrible pirata Setemortes, esa que un día o derrotou e abandonou sen víveres nin barco na Illa do Esquecemento. Pola ondiña azul Mariña sabe que habita no Mar da Morte, onde todo é destrucción e de onde ninguén sae nunca. Navega cara a alá e atopa o parvo vento Contento, a pantasma de mar e o perigoso Vento da Morte, que lle queima un ollo e deixa á deriva o seu Esperanza.
En Terra de Muros chora onda unha meiga o seu desamor e por fin atopa a pirata na Taberna do Corvo. Bátense e perséguea mar adiante, pero unha incisiva ollada cara a cara fai que decidan encher entre os dous as respectivas soidades.