A Roi tróuxolle o seu tío mariñeiro un robot xaponés, Kumamoto, que revoluciona a casa coas súas habilidades. O avó, canso das súas trastadas, pois xoga agachándolle o caxato, comeza a propoñerlle adiviñas, que o robot atina debuxando as respostas. Demostra ser un auténtico especialista que tamén é capaz de inventalas. Pero un día extraviouse no parque co gato Laúdo por intentar defendelo do ataque dun can. Gracias a un anuncio no xornal, recupéraos: estaban na casa dunha rapaza que os acollera ao atopalos perdidos e magoados na estrada. Alí aprendeu a pillar ratos polo rabo.
Un xaponés anda a seguilo. É da fábrica de robots e só quere as fórmulas que esconderon nel para seguir fabricando máis. Unha vez conseguidas, invita a Roi a visitar a fábrica. Alá irá.