Tres irmáns prisioneiros do xigante Grandullón conseguen liberarse da súa opresión gracias a un ungüento máxico que lles proporciona un ratiño. Os átomos saen da bomba atómica cando comproban a falta de escrúpulos do Xeneral Xeneralísimo e dos Señoróns fabricantes de guerras. Son algo máis que catro gatos os que acordan, nunha asemblea da Asociación Demo-Gática Galega á que non faltan nin Micifuz nin o Gato con Botas, solidarizarse e compartir as sardiñas cos gatos famentos do terceiro mundo. A unión e a solidariedade, na que entra a Estrela Máis Brillante, pode impedir que os fillos saian entangarañados pola nuclearización. Porque preferimos o Santiago Romeiro ao Santiago Matamouros.
Neste xogar aprendendo, o Nariz de Marmolín, canso de que ande furgando diario nel, embarca para A Habana; menos mal que o rapaz o recupera gracias a un pescador, que o pillou no mar, a onde caeu por asomar o nariz pola borda. O hipopótamo Zambudio é tan comechón que xa lle dan ataques de impo da enchente; con varios sustos ao día, ata o seu corpo se vai estilizar. Puchiño lévalle viño novo ao avó en compañía do lobo, receando da ovella feroz.
Porque, como na República da Lingua, os conflictos pódense solucionar pola vía da Palabra. E estas dez peciñas de teatro lúdico son unha boa contribución