Santiago e tres nenos máis, Carolina, Sabela e Diego, que son irmáns, foxen dun orfanato porque os castigan e maltratan ata a explotación.
Xa na rúa, decátanse de que non teñen onde ir e están dispostos a durmir na estación do ferrocarril antes que voltar ó orfanato.
Pero encontran a Xan, que é un detective privado, e cóntanlle a súa historia empezando para eles unha nova vida na que resolven un difícil caso de tráfico de nenos converténdose en heroes desta aventura.
O tema do libro está de actualidade ainda que aquí é tratado en clave de humor e sen profundizar moito. Os malos tratos por parte dos pais son sustituídos polos dos responsables do orfanato: o director e un celador, que utilizan ós pequenos no seu propio proveito para enriquecerse cos seus traballos.
Hai, ademais, un caso de tráfico de nenos, raptados das súas casas e levados ó orfanato para facelos traballar a reo. Alí sofren castigos corporais e humillacións de todo tipo.