Pode o novo lectorado, por medio da lectura deste breve e entenrecedor relato, achegarse ata as afastadas terras do Alto Exipto. Neste lugar vivía o pequeno protagonista desta historia, Musa, un neno que levaba unha vida un tanto apartada do resto da sociedade por mor dunha poliomelite. Mais todo mudará para el cando o seu pai lle merque unha cadeira de rodas e faga por primeira vez verdadeiros amigos. Poderá así ir ata o Cairo, onde diante da esfinxe de Abu-el Hol e levado pola súa propia imaxinación, chegará a facer unha viaxe por dentro da esfinxe. Logo de recuperar de forma plena a consciencia, farase unha promesa a si mesmo: ser un verdadeiro fillo desa terra.

A nosa literatura infantil e xuvenil 1997
Gálix (Asociación Galega do Libro Infantil e Xuvenil).
Coordinación: Mª Isabel Soto López.
Xunta de Galicia - Consellería de Cultura - Dirección Xeral de Cultura. Guías culturais, 17. 1998