Inclúense neste volume os seguintes contos: "A cova da serpe", "O penedo das doncelas", "O lobo gordo" e "Arredor dunha bicicleta".
Os dous primeiros son de carácter fantástico e están protagonizados por princesas, doncelas e heroes que, gracias á súa habelencia, conseguen desfacer encantamentos.
"O lobo gordo" contén a descrición da captura dun lobo por parte dun neno.
No último, de clara fasquía realista, nárranse as expectativas e as ilusións que o agasallo dunha bicicleta crea en tres irmáns: Luís, Carlos e Clara.