Esteban Losada Castro: Ding ding dong Mosqueone errou o gol
Ilustracións de Esteban Losada
Edicións Biosbardos. A Coruña, 1993

Peza teatral para títeres en seis actos: Mosqueone, o mafioso xefe dunha banda, ten problemas no seu negocio de venda de alcol pola competencia que lle fai a banda dos irlandeses, dirixida por O´Caca.
Así que decide cambiar o seu mercado e deixar Nova York para trasladarse a Galicia; pero antes envía a este país aos seus esbirros Albóndigo Scarlatti e Mau Macarrone co encargo de atopar as herbas coas que os galegos fabrican os seus licores. Pero isto non resulta moi sinxelo de facer porque as herbas están gardadas na cova do xigante nigromante, coñecido como Mouro Belbere.