Trátase dunha recompilación do folclore tradicional, das cancións, ditos e recitados da infancia. Son contos directamente relacionados co xogo, tanto no que respecta á propia lingua, que se converte neles en obxecto lúdico por si mesma, como por se-los indispensables ritmos que acompañan a tantos xogos colectivos ou ós primeiros pasos no descubrimento do mundo e da propia realidade corporal por boca dos "iniciadores". Rimas, recitados, encadeados, enumeracións sumativas, xitánforas, xogos de pregunta-resposta... todos eles moi divertidos.
Forman un legado cultural que chega fresco ós nenos actuais, tal e como foi usado polas súas avoas e os seus avós.