É unha selección de vellos relatos recollidos da tradición oral.
O fío que une estes contos é que os seus personaxes son a fauna máis representativa do mundo folclórico e popular galego: raposos, lobos, cans, galos, sapos, ras, carneiros, bestas, corvos, lebres, gatos, aguias, ratos, burros...
Daquela, cando os animais falaban, cometían pillerías a eito. Historia a historia, ao longo do libro, cada un dos animais vai mostrando aquilo que lle é propio, as cualidades que o caracterizan e o empeño de todos eles en enganar ao de enfronte. Entre a moralexa da fábula e a risa do chiste, pasan ante nós todos estes amigos personificados.
Moitos dos contos serán coñecidos xa polos lectores, pero iso non quita que disfruten con esta versión.