Reúnense neste volume as narracións premiadas en 1996 e 1997 no V e VI Concurso Municipal de Contos e Narracións Curtas Infantís e Xuvenís que convoca o Concello de Oleiros para conmemorar o Día das Letras Galegas. A coordinadora do libro e bibliotecaria municipal de Oleiros, Mª Luz Corral Uzal, fai unha breve presentación. Reprodúcense a seguir as actas do fallo do xurado. Recóllense logo os textos premiados, que inclúen unha presentación dos autores, distribuídos en tres categorías segundo a idade.
Na modalidade de 8 a 11 anos resultaron premiados Víctor Ángel Lara por "A pinga nadadora"; Daniel Carral por "O oso que comeu a lúa"; Víctor Rodríguez Campo por "Pitufo", Bikendy López por "Memorias dunha castaña" e Rubén Quiroga por "Memorias dun gato".
Na categoría de 12 a 14 anos obtiveron premio Olaia Fernández Jacob con "Iris"; Yésica Lodeiro con "Lembranzas"; Tatiana Civeira con "Memorias dun calcetín"; Eva Mª Sánchez Salgueiro con "A vida dun bolígrafo"; Aldara Marcos, Rebeca Brandariz, Beatriz Martos e Ana Belén Tajes con "Un verán como outro calquera" e Marta Mª García Salas con "Aventura no Castelo de Bela Cruz".
No apartado de maiores de 15 anos recibiron galardón Héctor Bao por "Os moradores do tempo"; Vanesa Rodríguez Mosquera por "Soidade"; Martín Vázquez Soto por "O signo do innomeable"; Emilio Xosé Eiroa por "A guerra dos recordos"; Xema Cabana por "¿Diferentes?" e Adrián Martínez Prieto por "Das cousas do vento".