Reúnense neste volume as narracións premiadas en 1994 e 1995 no Concurso Municipal de Contos e Narracións Curtas Infantís e Xuvenís que convoca o Concello de Oleiros. No limiar, Mª Luz Corral Uzal, bibliotecaria municipal de Oleiros, dá conta das interesantes experiencias de animación á lectura promovidas nese período. Reprodúcense tamén as actas do fallo do xurado nestas dúas edicións. Recóllense logo os textos premiados, que inclúen unha presentación dos autores, distribuídos en tres categorías segundo a idade.
Na modalidade de 8 a 11 anos resultaron premiados Rubén Espejo Guardiola por "A raíña Pepiña"; Antonio López Sánchez por "O lobo Henry"; Álvaro Patiño Debén por "Un frei na mili" e Marcos González Fernández por "O paso de cebra".
Na categoría de 12 a 14 anos conseguiron premio Javier Caamaño García con "O segundeiro que ía ao revés; Olaia Fernández Jacob con "Nacer á vida"; Oscar José Lurís Mirón con "A carreira de letras"; Natalia Vázquez López con "Penélope e as sandalias"; Catuxa Marta Sánchez-Tembleque Gil con "A noite"; Francisco Suárez Gómez con "O avergonzamento das ilustracións"; Mireia Álvarez Bosch con "O segredo da misteriosa porta"; Beatriz Fernández Barreiro con "A fraga" e Natalia María Suárez Insua con "A trampa".
No apartado de maiores de 15 anos recibiron galardón Ebelia Mora Alonso por "Sen fogar"; Almudena Ocaña González por "Os orfos dos vivos e os orfos dos mortos"; Laura Janeiro Pereira por "Ollos en claro-escuro"; Yolanda Macía Ttrincado por "A fábrica de contos"; Cristina Cachaldora Castro por "Medio en negro" e Xavier Vázquez Freire por "Laura".