Todo empezou cando comezaron as obras no baixo que antes a panda de rapaces utilizaba como refuxio para as tardes de auga. Instalouse nel unha muller co seu "Centro de Promoción de Iniciativas Fantásticas" no que facía posibles os desexos da xente.
Así foi como puideron conseguir os seus tres desexos: que a cidade se enchese de árbores, que volvesen os paxaros á cidade e que as palabras da xente nunca máis fosen grises nin negras. Claro que para iso eles tamén tiveron que traballar. Pero a cidade xa foi entón máis humana.