Un narrador omnisciente en terceira persoa cóntano-la historia de Martina, unha nena de nove anos que vive nun piso da cidade.
A Martina gústalle a natureza -os animais, as plantas, as flores...-, e por iso goza cando vai visita-los seus avós á aldea. Polo contrario, a rapaza pasa longas e aburridas horas no colexio. Ata que atopa a Chamizo, un gatiño de cor cincenta, de pelo tan suave coma o veludo e doce mirar.
Aínda que os pais de Martina se opoñen á presencia de animais na casa, a tenrura da nena acaba vencendo tódolos atrancos que lle impedían comparti-la súa vida con Chamizo.