A casa dos contos co seu chamador de "había unha vez" está nas librerías, comeza a autora. Pero tamén neste libro de poemas porque "se non fora polos contos, / que triste todo sería". Os seus versos, diversos na forma pero sempre rápidos e sonoros, son glosas de personaxes das historias clásicas da literatura infantil: o soldadiño de chumbo, a Carrapuchiña, Alí Babá, o emperador espido, a ratiña presumida, os sete cabritiños, o parruliño feo, a Cincenta, bruxas, fadas, etc.
Todos eles recobran vida neste xogo das palabras, dos contos que están nos libros, dos contos de papel.