Este libro é unha proposta para facer teatro, unha proposta moi completa pois o libro está provisto de tódolos ingredientes. Ao principio, os presentadores -Compay Grilo e Dona Curuxa- fan un resumo de recomendacións para organizarse cos libretos, ensaios, escenario, etc. e ao final danse algúns consellos para facer títeres, retablo e vestiario. O corpo do libro está constituído por varias pezas curtas nas que interveñen entre tres e seis personaxes diferentes, a maior parte deles animais. Trátase de pequenas escenas para títeres cunha peripecia breve, pero da que sempre se pode sacar unha ensinanza.