A autora preséntanos unha historia na que a fantasía e a realidade volven cruzarse na escada da narración, a medio camiño unha da outra.
Adrián, un neno que anda entre os sete e os oito anos, vive unha existencia un tanto dura para a súa curta idade: metido na camioneta da súa familia, peregrina de feira en feira vendendo a quincallada da que tiran o necesario para o seu sustento.
Mamá Sinda e a estrela Tais comparten protagonismo con Adrián nesta obra na que a tenrura e a sensibilidade están sempre presentes.