Texto dramático que transcorre no interior do aparato dixestivo. Os protagonistas, os pilosíns, son os fillos de mamá Pilosa e dedícanse a facer trasnadas á súa nai e a D. Organdón, o xefe do equipo que forma o aparato dixestivo. D. Organdón, caracterizado como un personaxe despótico, leva moi mal as bromas dos tres pillabáns e insístelle a mamá Pilosa para que lles ensine disciplina aos seus fillos. Entre eles desenvólvense escenas cargadas de comicidade moi próximas ao surrealismo.
O conflicto teatral desencadéase cando don Figadón, o xefe en funcións, se nega a asistir a parturienta Placente, polo que se produce a rebelión por parte do resto dos personaxes ao tempo que se anima ao público asistente a que forme parte da sublevación.