Os pais de Xiana, unha rapaza de dez anos, queren o mellor para ela: que sexa a máis lista e a máis guapa. Por iso lle enchen o día de actividades: ir á escola, aprender inglés e baile, facer deporte... Pero ela só quere xogar. Así, pola noite, cando Pedro Chosco intenta convencela de que durma, ela négase pois ten medo a perder o tempo, que necesita para xogar. Só durmirá logo de que el a leve canda si a impedir que un monstro fedorento moi educado, a muller do Home do Saco e outros seres consigan que os nenos e nenas peguen no sono. Coa súa axuda, os pais convéncense de que terán que deixala enredar máis.
Peza de teatro na que a música e o humor comparten escenario cos seres do imaxinario infantil en clave lúdica.