Un narrador omnisciente relata a historia de dous esquíos finlandeses, Tik e Tak, que vivían comodamente nunha árbore nos extensos bosques do país dos mil lagos. Un bo día, uns homes cortáronlles a árbore na que vivían felizmente, véndose na obriga de buscar un novo fogar e provisións para o inverno. Pero debido ó afán aventureiro de Tik e ás ganas de Tak por quentarse cos raios do sol, deciden iniciar unha longa viaxe nun barco madeireiro. Chegan así ó porto da Coruña, onde se dirixen ó xardín de Méndez Núñez, lugar onde viven felices os seus restantes días.