Concha Blanco: ¡A min que me importa!
Ilustracións de Xan López Domínguez
Col. Altamar, 29. Serie Humor. Ed. Bruño. A Coruña, 1998

Unha rapaciña, María, cóntanos da súa vida e do seu mundo, tan próximo e ao mesmo tempo tan diferente do dos maiores. Sabemos así do avó fuxido e simpático e mais dos chistes do pai; da amiga Sonia e o seu pequeno accidente na man ao entalala nunha porta; da celebración das Letras Galegas en homenaxe a Fole e tamén da excursión a casa de Rosalía en Padrón; da Mafalda que lle le a súa irmá ou de que fixo Radio Escolar...
Deste xeito, entre contos, adiviñas e cancións, coñecemos coas súas palabras que o mundo dos adultos non sempre é intelixible. Pero ela non renuncia a buscarlle a súa explicación a todo o que acontece ao seu redor.