Texto dramático en forma rimada, composto dun preludio e tres actos. A acción desenvólvese nun espacio imaxinario de calquera lugar costeiro da Galicia rural. Comeza coas palabras dun presentador que ofrece as características de Martiño, un neno duns nove anos moi amigo dos animais. A seguir, Martiño fala dos seus amigos e recoñece todas as ensinanzas que recibiu dos seus maiores, especialmente do seu avó. Ademais aparecen como protagonistas unha serie de animais representativos da terra, o mar e o aire, como ourizos, raposos formigas, arrocaes, abellas ou gaivotas. Todos eles preséntanse e falan dos seus gustos, dos seus costumes, das súas trasnadas e dos seus quefaceres cotiáns.