Tomando como base un dos tesouros máis ricos da cultura popular, a autora crea unha serie de 303 adiviñas divididas en catorce apartados encabezados por un título alusivo ao significado xeral das adiviñas que se encadran en cada un deles. Así, por exemplo, o capítulo "Máis animaliños" conta con 36 adiviñas que fan referencia a outros tantos animais.
As ilustracións que acompañan as adiviñas serven pistas para esclarecer a resposta das mesmas. Así e todo, ó final do libro aparece a solución para todas elas.